BO NADAL

Dende aquí desexarvos a todos que pasedes unhas boas festas ó carón dos vosos seres queridos ó igual que un próspero aninovo.

No eido político, pedirvos que dende Xaneiro volvades con máis forma que nunca, xa que o 1-M temos unha cita coas urnas.

BO NADAL E PRÓSPERO ANINOVO.

A precampaña

Nestes días empezamos a observar as diferentes formas de facer campaña dos partidos políticos o cal demostran ser lugar a dúbidas a clase de partidos políticos que existen.
Desta forma mentres o PP con Núñez Feijoo á cabeza adícase a difamar e calumniar sen ningún tipo de fundamento, o PSdeG-PSOE con Emilio Pérez Touriño á fronte continua a facer o seu traballo por e para a cidadanía nunha política de clara lealdade co pobo.
Así agardamos que esta boa maneira de traballar nos últimos 4 anos leve ó PSdeG-Psoe a seguir gobernando a partir das elección que terán lugar no vinveiro mes de Marzo.
Dende aquí animarvos a todos prestarlle o apoio a Emilio Pérez Touríño de cara a esa fundamental cita electoral.

A toma de contacto cos nenos.

No día de hoxe comecei a segunda fase das Prácticas Escolares, xa que no ano pasado realizara a primeira parte das mesmas, e como no ano anterior estou no Colexio PP.Franciscanos.

Hoxe foi un día de toma de contacto cos nenos e en xeral todo ben, así desta maneira imos tomando contacto co día a día das aulas, xa que en pouco tempo estaremos exercendo como docentes, profesión pola que sinto vocación dende que era pequeno, quizais en certo modo porque miña nai tamen é profesora.

Veremos entón as vivencias e anécdotas do día a día que xa volas irei contando aquí...

Barack Obama

Na pasada madrugada tivo lugar un feito histórico xa que supuxo a victoria electoral do gran BARACK OBAMA o que supón que se converte no primeiro presidente de cor dos Estados Unidos con todos os compoñentes que iso leva consigo.

Persoalmente admiro a súa figura xa que foi unha persoa humilde e que atopou grandes atrancos na súa vida, pero soubo saír adiante e convertirse nunha das figuras máis importantes e mediáticas do planeta.

Dende España desexamoslle un sinfín de éxitos e ademais agardamos que teñamos despois da incompetencia en persoa que significaba a figura de Bush un traballo común polo ben do noso país no concernente a política exterior.


NORABOA BARACK!

Asamblea

No día de onte na última reunión da Executiva saínte do Psoe en Lugo, o actual secretario xeral José Ramón Gómez Besteiro presentou a súa proposta de Executiva de cara a Asamblea que terá lugar no día de hoxe.

Desta forma paso a mencionarvos a proposta de Executiva:

1.- Presidente: José López Orozco, Alcalde de Lugo e profesor.
2.- Secretario Xeral: José Ramón Gómez Besteiro, Presidente da Deputación de Lugo e avogado.
3.- Secretaría de Organización: Juan Carlos González Santín, Director Provincial do INSS
4.- Secretaría de Estudos, Programas e Innovación: Sergio Vázquez Torrón, economista
5.- Secretaría de Política Municipal, Economía e Emprego: Sonia Méndez López, Concelleira de Emprego e Licenciada en Dereito.
6.- Secretaría de Políticas Sociais: Marta Jato Díaz, médica.
7.- Secretaría de Emigración: María Soledad Rivas Neira, avogada
8.- Secretaría de Desenvolvemento Sostible e Tecnoloxía: José Enrique Rodríguez Coello, químico
9.- Secretaría de Movementos Sociais e Administración: José Manuel Díaz Grandío, Concelleiro de Deportes e funcionario.
10.- Secretaría de Formación: Verónica Eiravella Barreira, mestra.
11.- Secretaría de Acción Electoral: Alfonso Orol Castro, técnico de prevención.
12.- Secretaría de Política institucional: Margarita Pérez Herraiz, Deputada nacional
13.- Secretaría de Cultura e Educación: José Carlos Ferreiro Otero, profesor.
14.- Secretaría de Igualdade: Isabel Salazar Bello, médica ciruxana.

Desta forma observamos como se incorporan 8 caras novas e seguen persoas con dilatada experiencia no partido como é o caso de Alfonso Orol Castro, Jose Manuel Díaz Grandío,Sonia Méndez López, Margarita Pérez Herraiz e Isabel Salazar Bello ademais claro está de José Clemente López Orozco, Alcalde de Lugo e José Ramón Gómez Besteiro,Presidente da Deputación Provincial.

A renovación nas Executivas locais.

Nestas últimas semanas estase a levar a cabo a renovación das Executivas locais nun claro proceso de renovación dentro do partido.

Así o vindeiro venres teremos na Agrupación Local de Lugo a Asamblea para a renovación da Executiva na que todo parece indicar que continuará como Secretario Xeral o actual Presidente da Deputación Provincial de Lugo JOSÉ RAMÓN GÓMEZ BESTEIRO mentres que como presidente JOSÉ CLEMENTE LÓPEZ OROZCO, pero realmente na renovación de todas as agrupacións causoume unha ledicia especial o nomeamento de DARYA FERNÁNDEZ GÓMEZ como Secretaria Xeral da Agrupación Local de Becerreá con tan só 18 anos o que supón toda unha aposta pola xuventude dos militantes deste Concello da montaña luguesa e unha gran ledicia para todos os xóvenes do partido que día a día imos vendo como se conta de maneira progresiva con nós, xa que cómpre salientar que somos o futuro do partido e por que non tamén parte do presente.

Escola de Formación de XSG Galicia en Sarria.

Este pasado fin de semana tivo lugar unha nova Escola de Formación neste ano 2008 e xa van catro, na cal estivemos unhas 60 persoas de toda a xeografía galega e ademais da Escola en sí coñecemos nova xente de diferentes puntos xeográficos da nosa terra.

Dende o meu punto de vista un programa moi completo con tres ponentes de excepción: a nosa querida compañeira Secretaria de Formación de XSG Galicia María Torres, o actual xefe de prensa da FEGAMP Javier Carnota e o incombustible Francisco Martínez Hidalgo Ex-Secretario de Formación de XSG Galicia e todo un experto no concernente á formación.

Ademais no día de Clausura estiveron uns compañeiros da Executiva Nacional de XSG Cataluña, Mar Barcón Secretaria de Organización do PSdeG-Psoe, José Manuel Lage Diputado Autonómico e como non o noso querido, apreciado e admirado JOSÉ RAMÓN GÓMEZ BESTEIRO que deu ánimos á Xuventude de cara a traballar no día a día do partido e sen lugar a dúbidas a súa proximidade cos xóvenes gustoulle a tódolos presentes.

Persoalmente xa asistira con anterioridade a outras escolas de formación e entendo que a formación é clave para ser o día de mañá persoas claves no proxecto político do noso partido.

Como conclusión deixo algo para a reflexión... Cun pé no presente e unha mirada no futuro.